Cúpla iad Sharon agus Éile agus iad beirt cúig bliana déag d'aois. Cailín ciúin, stuama, staidéarach í Éile atá go maith ar scoil, ach tá Sharon aerach agus fiáin agus bíonn sí ag pleidhcíocht i gcónaí. Agus an Teastas Sóisearach ag druidim leo ní mór do Sharon luí isteach ar an obair, ach lá amháin feiceann sí rud a chuireann as go mór dí. Cailleann sí smacht uirthi féin go hiomlán. Tá alltacht agus uafás ar Éile, ach céard is féidir léi a dhéanamh faoi?